Meta Verified လို့ ခေါ်တဲ့ Bluemark ကို လစဥ်ကြေးနဲ့ ဝယ်သုံးတော့မှာလား?

21 Mar Meta Verified လို့ ခေါ်တဲ့ Bluemark ကို လစဥ်ကြေးနဲ့ ဝယ်သုံးတော့မှာလား?

Posted at 11:18h in Blogs, social media by myothainkha

Meta Verified လို့ ခေါ်တဲ့ Bluemark ကို လစဥ်ကြေးနဲ့ ဝယ်သုံးတော့မှာလား?

ကျော်ကြားသူ Celebrity တွေ၊ သတင်းမီဒီယာတွေ၊ ကုမ္ပဏီတွေနဲ့ အစိုးရ Page တွေကို အတုအစစ် ခွဲခြားနိုင်အောင် 2012 တည်းက စတင်မိတ်ဆက်ခဲ့တဲ့ Blue Mark ကို အခုဆိုရင် Paid Version ဖြစ်နေပါပြီ။

Meta Verified လို့ ခေါ်ဆိုတဲ့ Bluemark ကို Web User တွေအတွက် တစ်လကို 11.99$ နှင့် iOS User တွေအတွက်တော့ 14.99$ လစဥ်ကြေးကောက်ခံတော့မယ်ဆိုပြီး ကြေညာထားတာ တစ်လကြာပါပြီ။

အခုဆိုရင် Australia နဲ့ New Zealand မှာ စတင်စမ်းသပ် Service ပေးနေပြီး US Region မှာပါ ထပ်တိုးရရှိနေပြီဖြစ်လို့ မကြာခင်မှာ Asia ဘက်ကိုရော ရောက်လာတော့မလားဆိုတာ Rumor တွေလည်း ထွက်ပေါ်လာပါတယ်။

Meta Verified ကိုရယူထားမယ်ဆိုရင် ဘာအကျိုးကျေးဇူးတွေရမလဲ?

အရင်ဆုံး Meta Verified ကိုဝယ်ယူဖို့ Two-Factor Authentication လုပ်ထားရမယ့်အပြင်

Reels နဲ့ Stories တွေမှာ Exclusive Sticker တွေနဲ့
Facebook ပေါ်က ကိုယ်နှစ်သက်ရာ တခြားဖန်တီးသူ (Creator) တွေကို ထောက်ပံ့လို့ရတဲ့ Star အလုံး ၁၀၀ ကို တစ်လစာ ရရှိမှာပါ။

နောက်ထပ်မက်မောစရာ တစ်ချက်က

Account နဲ့ ပက်သက်တဲ့ပြဿနာတိုင်းကို Meta ရဲ့ Automated system တွေနဲ့လွှတ်ထားမှာမဟုတ်ဘဲ လူကိုယ်တိုင် Customer Support နဲ့ တိုက်ရိုက်ဖြေရှင်းပေးမှာဖြစ်ပြီး
Facebook ရော Instagram မှာပါ ကိုယ့်ရဲ့ Content တွေကို “Reach” ပိုတိုးလာစေမယ်လို့ ပြောထားပါတယ်။

ဘယ်သူတွေ ဝယ်သင့်လဲဆိုတော့

Company ကြီးတွေ၊ Media ကြီးတွေနဲ့ Politician တွေအတွက် သတင်းမှားတွေ၊ ကိုယ့်အယောင်ဆောင်ပြီး Fake News အတင်ခံရတာများတဲ့သူတွေအတွက် သတင်းမှားတွေကို စစ်ဆေးပေးပါမယ်လို့ ကတိပေးထားတဲ့ Meta Verified ကို ဝယ်ထားသင့်ပါတယ်။

Meta ဘက်က ကတိခံထားတဲ့အတိုင်း ထူးခြားမှုတွေရော ရှိပါ့မလား?

AI နဲ့ Human Support ပေါင်းပြီး Meta Verified ဝယ်ထားတဲ့ Account တွေ၊ Page တွေအတွက် တကယ်ရော သတင်းအမှားတွေ၊ ပုံအမှားတွေကို အချိန်မီဖျက်ပေးနိုင်မလား?

ဒါကတော့ Asia ဘက်ကို Service ပေးမယ့်အချိန်မှ ဆက်လက်စောင့်ကြည့်ရပါတော့မယ်။